Kantatuz kontatu

 Erakutsi zuen abesti euskaldun gogokoena zuen ikaskideek ikus dezaten:

    -Idatzi zuentzat abestiaren atalik esanguratsuena dena

    -Azaldu zergatik hunkitzen zaituen edota zergatik maite duzun atal hori

    -Besteen musikaz disfrutatu!








Iruzkinak

  1. Itziar2025(e)ko urriaren 3(a) (03:47)

    Aukeratu dudan abestia Ken zazpiren Ezer ez da betiko da. Kantak dioen legez, mundu honetan gauza guztiek amaiera bat dute. Beraz, goza dezagun momentu bakoitzaz azkena izango balitz moduan.
    Bi dira gehien gustatzen zaizkidan zatiak. Lehenegoa, “ hostoak erortzen dira, negar tanten moduan”, bigarrena “musuka nazazu, begiak itxita
    https://www.youtube.com/watch?v=XyyXC-aEEiw

    ErantzunEzabatu
    Erantzunak
    1. Naiara2025(e)ko urriaren 16(a) (00:27)

      Niri be asko gustatzen zaizkit bere abestiak. Baina bera sosingo bat iruditu zitzaidan. Agian egun eskaza izango zuen...auskalo!

      Ezabatu
  2. Regina2025(e)ko urriaren 3(a) (03:52)

    Blog-administratzaileak iruzkina kendu du.

    ErantzunEzabatu
  3. Ana D.2025(e)ko urriaren 3(a) (03:56)


    “Utzidazu kontatzen ze ederra zen itzultzea
    Utzidazu kontatzen malko urdinen artean
    Utzidazu kontatzenze ederra den jakitea
    maiteko zaitudala itsasoaren beste aldean…”

    Izaro entzun nuen lehen aldia “Ura bere bidean” ekitaldian izan zen.
    Asko gustatzen zait bere ahotsa eta orkestrarekin abesten duenean emaitza magikoa da. Kantan oso modu ederrean adierazten da etxera bueltatzeko nahia eta mundu hobe baten itxaropena.

    [https://www.youtube.com/watch?v=I6m80P-Redg]

    ErantzunEzabatu
    Erantzunak
    1. Ainhoa2025(e)ko urriaren 16(a) (00:25)

      Ze polita den! Ez nuen kanta hau ezagutzen. Mila esker, Ana!

      Ezabatu
    2. Naiara2025(e)ko urriaren 16(a) (00:31)

      Niri ere asko gustatzen zaizkit bere abestiak, baina aspaldian Rosalia ikusten dut gehiago Izaro dagoen lekuan.

      Ezabatu
    3. Odei2025(e)ko urriaren 16(a) (00:32)

      Ana, oso kanta hunkigarria aukeratu duzu. Ez nuen ezagutzen eta izugarri gustatu zait.

      Ezabatu
    4. Regina2025(e)ko urriaren 16(a) (00:39)

      Nik ere "Ura bere bidean " ekitaldian abestia entzun nuen eta oso hunkigarria iruditu zitzaidan.

      Ezabatu
    5. Anonimoa2025(e)ko urriaren 16(a) (00:57)

      Kanta zoragarria aukeratu duzu. Zoritxarrez oso pilpilean dagoen eta oso gaurkoa den gaia tratatzen duena. Oso modu politean gainera. Gai lasgarriak tratatzeko modurik eta onena iruditzten zait; alaitasunarekin, errezpetuz, seriotasunez, gosatuz.
      Kanta hau entzun nuen lehen aldia ekarri dit gogora. Kotxean, semea, bikotea eta hirurak gindoazen eta Mikel Urdangarinek eta Izarok egindako bertsioa zen. Hirurok oso gustuko izan genuen eta behin eta berriro entzun genuen bidaian zehar. Gogoratzeko oso momentu polita, ia-ia abestia bezain beste. Eskerrik asko Ana.

      Ezabatu
    6. Gisela2025(e)ko urriaren 17(a) (02:48)

      Ze polita den kanta hau orkestarekin! Entzuten oilo-ipurdia jarri zait

      Ezabatu
  4. Estitxu2025(e)ko urriaren 3(a) (04:01)

    Gaurko gazteei euskarara gerturatzeko euskal abestien bila nenbilela, irratian kanta hau entzun nuen. Ara! Yepa! Familian gertatzen direnak gogora ekartzen dizkit eta irrifarre egiten dut. Oso dibertigarria iruditzen zait. Esaten dituenak, euskararekiko adierazten duen jarrera eta erabilera ere oso gustuko ditut.
    "Gutxi batzuk daukate guk daukagun martxa
    Onenak beti daude gure aldean
    Hemendik zero estres ta zero drama (zero, zero)
    Horrela ez dugu gehiago behar"

    https://youtu.be/Y8F_z4Gy-7U


    ErantzunEzabatu
    Erantzunak
    1. Ainhoa2025(e)ko urriaren 16(a) (00:31)

      Interesgarria da, Ez nuen kanta hau ezagutzen baina gustatu egin zait. Mila esker, Estitxu!

      Ezabatu
    2. Odei2025(e)ko urriaren 16(a) (00:42)

      Zero estres eta zero drama, topera Bermiotik!

      Ezabatu
    3. eneko2025(e)ko urriaren 16(a) (00:43)

      Ez nuen ezagutzen eta niri ere oso dibertigarria iruditu zait. Gustura entzun eta ikusi dut bideoklipa

      Ezabatu
    4. Ana G.2025(e)ko urriaren 16(a) (00:43)

      Gora joan zait eguna hau entzutean!! Ez nuen ezagutzen eta lehenengo orduan entzuteko primeran da. Pilak beteta nabil orain. Jarraituko dut taldea.

      Ezabatu
    5. Gisela2025(e)ko urriaren 17(a) (02:42)

      Zer ona! Zelako dantzatzeko gogoa sartu zait! Oso kanta ona ! Zelako martxa!

      Ezabatu
  5. Aitor Aguirre2025(e)ko urriaren 3(a) (04:10)

    AUKERA BERRIAK - En Tol Sarmiento ETS

    “ Puntu bati begira galtzen dugu ingurua
    eta bertan dauden koloreak.
    Baina bidegurutzeak dira aukera berriak,
    dira aukera berriak,
    aukera berriak.”

    Batzuetan -gehienetan, esango nuke-, gure bisitzan egiten ditugun gauzak ez ditugu nahi. Egin behar direlako egiten ditugu. Konturatu gabe, askotan gizarteak helburuak markatzen dizkigu, eta ez dugu beste ezer ikusten. Noizean behin oso garrantsitsua da gelditu eta ingurunera begiratzea. Horrela, aukera desberdinak eskaintzen dizkigu munduak.

    https://youtu.be/_DoxQkaMNkc?list=RD_DoxQkaMNkc

    ErantzunEzabatu
    Erantzunak
    1. Ainhoa2025(e)ko urriaren 16(a) (00:37)

      Abestiari motibagarri deritzot.

      Ezabatu
    2. Ana D.2025(e)ko urriaren 16(a) (00:48)

      Oso hausnarketa ona, Aitor. Guztiz ados zurekin. Abestiaren mezu positibo eta alaiarekin bat nator. Horrelako abesti gehiago, mesedez!

      Ezabatu
    3. gisela2025(e)ko urriaren 17(a) (02:51)

      Azken boladan etxean askotan etzuten dugu, nire alabari azko gustatzen zaiolako. Oso polita eta alaia da.

      Ezabatu
  6. Eneko2025(e)ko urriaren 3(a) (04:12)

    RADIO RAHIM (Negu Gorriak)

    “Irratitzarrean
    errepresioaren kontra
    zinta bakarrak
    oihukatzen du
    Poliziek
    Radio Rahim
    hil dutenean
    zabaldu auzoan

    Ezagutarazi
    berri txarra
    Radio Rahim
    hil dutela

    Eta pizzeriako
    kiskalitako hormetan
    Martin eta Malcolm
    azalduko dira.

    Horrelakoa da bizitza
    egin ezazu behar duzuna”

    Nahiz eta Negu Gorriak taldea txikitatik ezagutu, nerabezaroan hasi nintzen taldearekin disfrutatzen eta gaur egun oraindik, nire talde kutsuna da. Gerora, nagusitan, “Do the Right Think” (Zuzen jokatu) pelikula ezagutu nuen, abestia pelikula horretan oinarritzen delarik. Pelikula ikusteak abestia hobeto ulertzen laguntzen digu.

    https://youtu.be/WXOYCCF-huU?si=3aGvgK60R6mdKgAs

    ErantzunEzabatu
    Erantzunak
    1. Aitor Diez2025(e)ko urriaren 16(a) (00:21)

      Abesti mundiala.

      Ezabatu
    2. Naiara2025(e)ko urriaren 16(a) (00:36)

      Ze bitxia, ez nekien abestia pelikula batean oinarritzen zenik! Nik gogoan dut abesti horrekin Ondarruko frontoian play backa egin genuela Txirrimorraski aisialdi taldetik.

      Ezabatu
    3. Iratxe2025(e)ko urriaren 16(a) (00:49)

      Nerabezaro garaia gogorarazten dit abesti honek. Talde hau eta Su ta Gar ziren euskaraz gehien entzuten nituen taldeak. Nire nebari kasetak kentzen nizkion walkman-ean entzun ahal izateko, gure gurasoen talderik gustokoenak ez baitziren...

      Ezabatu
    4. Gisela2025(e)ko urriaren 17(a) (02:45)

      Orain dela gutxi egon nintzen Ferminen kontzertuan eta, nola ez, abestu zuen kanta hau. Mundiala izan da!

      Ezabatu
  7. Iratxe2025(e)ko urriaren 3(a) (04:18)

    “Erabat galdurik
    kalean, klasean
    hobe sentitzen naiz
    gaua irensten nagoen hontan
    Azkar!, Azkar!”

    Nerabe nintzela, Su ta Gar taldearen diskoa eskuetara heldu eta “Azkar zuregana” abestia berezia iruditu zitzaidan. Garai hartan faltan somatzen nuen askatasuna adierazteko modua iruditzen zitzaidan. Gaur egun, abesti honek nire nerabezaroko garaia gogorarazten dit. Lagunekin egindako lehenengo parrandak datorzkit burura; goizeko ordu txikietan bueltatutako lehen aldiak, eta horiek ekarritako ondorioak.

    https://www.youtube.com/watch?v=k_sK3aAVGv8

    ErantzunEzabatu
  8. Naiara2025(e)ko urriaren 3(a) (04:26)

    GAZTETASUNA ETA ZAHARTASUNA

    “Gaztea ez daiteke adin batez molda,
    Gorphutza sendo eta azkar du odola;
    Zahar.ez da hola;
    Iragan denbora
    Ethortzen gogora,
    Et.ezin kontsola...
    Nekez bihurtzen baita zahar arbola!”


    Abesti hau Mikel laboarena da 1985ean publikatua. Mikel laboaren abestiek asko hunkitu naute beti, baina abesti honekin badut oroitzapen eder bat. Ondarrun familia-lagun bat hainbat urte preso egon ostean gartzelatik atera zen, eta abesti honekin eskeini nion ohial dantza bat. Baina garaiak aldatu ziren, Mikel hilda zegoen eta orain Willis Drummondeko abeslariak abesten zuen, eta generazio berriari nolabait jarraipen bat eman ziguten. Letrak ere hori azaltzen du; gazteen eta zaharren arteko lotura hori eta nola denborak arbola sendo bihurtzen gaituen. Inoiz hiltzen ez diren abesti hoietako bat da niretzat.

    https://www.youtube.com/watch?v=8NKJ9tAh93Q&list=RD8NKJ9tAh93Q&start_radio=1

    ErantzunEzabatu
  9. Ana G.2025(e)ko urriaren 3(a) (04:40)

    Oso zaila egin zait abesti bat aukeratzea. Azkenean euskara ikasten hasi nintzenean ikasi nuen bat aukeratu dut, letrarekin identifikatzen nintzelako: Euskaldun berrriaren balada.
    Oso berandu heldu nintzen euskararen mundura, BUPeko garaian, 14 urtekin hasi nintzen, baina oso maila xumearekin amaitu nuen institutuan, eta AEKko euskaltegian matrikula egin nuen. Hor bai hasi zela nire euskalduntzea eta abesti horrek oso ondo islatzen du nire ibilbidea.
    https://youtu.be/C3vRC7nu8MI?si=R6fJEX_ylc6NnaS6
    Barakaldokoa naiz eta
    daukat paro obrero
    horregatik euskaltegira
    noa ni egunero.
    Euskaraz bazekien nire
    bisabueloak edo
    baina ni roillo hontaz
    orain arte zero,
    goizero, goizero
    AEKan bezero,
    batzuetan ero,
    besteetan bero
    baina ez dut milagro
    handirik espero.

    ErantzunEzabatu
    Erantzunak
    1. Ainhoa2025(e)ko urriaren 16(a) (00:47)

      Ez nuen abestia ezagutzen. Gustatu zait. Mila esker, Ana!

      Ezabatu
  10. Anonimoa2025(e)ko urriaren 3(a) (04:52)

    “Akabun jeneralak antza eban parkau
    Eta horretarako gutuna idatzi dau
    Baina papel ziztriña belu zan ailegau
    Bidean galdu ebazan hiru aste edo lau
    ta heldu orduko aita fusilatuta dau

    Enterratzeko bere falta da dirua
    Prestamistara joan ta hau bere karua
    Halan be ailega jakon hiletan ordua
    Samurra ez eban euki hak bizimodua”


    Hautatutako abestiak Amama du izena. 2014an plazaratutako Aukhera diskoa osatzen duten 14 kantetako bat da. Horren atzetik, Kherau dago, 2010ean, Bilbo inguruan sorturiko euskal folk taldea.

    Amama Sestaoko amona baten kontaketka dira, gerra osteko saioan haren familian jazo zirenak. Abestiaren hirugarren eta laugarren estrofak aukeratu ditut, kontatzen dutenaren berri ez baineukan. Amama hori neurea izan zen eta maiz txikitan bizitakoa kontatu ohi zigun ilobei. Alabaina ez nekien Frankok nire birraitona barkatu egin zuenik, eta ez nuen gogoratzen enterratzeko dirurik ez genuenik.


    Abestia lehenengo aldiz entzun nuenean, aho bete hortz geratu nintzen. Horrengeroztik, buruari bueltak ematen ibili naiz, egia oten den ala ez… Hogeita hamabi urte amamarekin egonda ere, ez nengoen pasadizo horren jakinaren gainean. Abestia argitaratu zenerako amama hilda zegoen. Eta Historiaren ironia badirudi ere, hiruzpalau urte pasata, Sestaoko, udalak gerrako gertakarien gaineko dokumentazioa eskuragarri jarri zuen. Birraitonaren izena agertzen zen. Baina, berriz ere, beranduegi zen.

    Abestiaren esteka: https://youtu.be/zTP-WxIK5Dc?si=J_Vu7mK9ra6NFlFl

    ErantzunEzabatu
    Erantzunak
    1. Iratxe2025(e)ko urriaren 16(a) (00:38)

      Istorioak asko hunkitu nau! Zelako bizipenak!

      Horretaz gain, asko gustatu jata abestia! Ez neban ezagutzen eta amaierako gaitak kutsu berezia emoten deutso.

      Ezabatu
  11. Gisela2025(e)ko urriaren 3(a) (04:53)

    IRRIA- ZEA MAYS
    https://www.youtube.com/watch?v=NfxjpKy4wG8&list=RDNfxjpKy4wG8&start_radio=1

    Idazlan hau egiteko kanta bat aukeratu behar dut, eta egia esan aukeratzea oso zaila egiten zait. Niretzat euskal musika hemengo jaiekin, maitasunarekin, euskara ikasteko prozesuarekin, nire seme-alabekin lotuta dago. Momentu polit asko bizi izan nituen euskal musikarekin.

    Pentsatzen nenbilela, orotzaipen berezi bat etorri zait burura: C1 ateratzera nihoanean, euskara azterketaren aurreko egunetan, Zea Maysek abestutakoa “Irria” kanta entzuten nuen behin eta berriro. Gogoan daukat, nola abesten nuen kalean kanta entzuten nuen bitartean:

    “Eserita egoten diren
    Buda gorrien irrien
    Lasaitasuna bilatzen
    Saiatzen naiz
    belar ebaki berriak
    ematen duen freskura
    birikietan tatuatzen
    saiatzen naiz”

    …………

    Kanta osoa da lasaitzen nauena eta ez bakarrik jarri dudan parrafoa.

    Momentu hartan, nire inguruan, beste ikaskideak oso urduri zeuden, eta nik lasaitasuna mantendu nahi nuen, beraz, euskaltegirako bidean entzuten nuen eta lasaitzen nintzen.

    ErantzunEzabatu
  12. Aitor Diez2025(e)ko urriaren 3(a) (04:56)

    Benito Lertxundiren kanta oso polita partekatu nahi dut zuekin. Letraren lehen parrafoa Hona hemen doakizue:
    Mendian larrartean
    Aurkitzen da loretxo bat
    Aurrean umetxo bat
    Loretxoari begira
    Euskal kantu honek nire haurtzaroa dakar nire burura. Beti gustatu zait eta ziur zeuei ere bai.
    Poesia hutsa da eta naturarekin erlazioa erakusten du. Hala ere sendumenduz jositako abestia dela ezin da ukatu. Nahi izatekotan ikus puntu politikoa antzeman daiteke, askatasunagatik eta Benitoren pentsakera buruan izanez.
    Espero dut kantaz gozatzea!

    https://youtu.be/rOPnirl1Lrk

    ErantzunEzabatu
  13. Odei2025(e)ko urriaren 6(a) (23:38)

    BIZITZA EDER DENEAN, RUPER ORDORIKA

    Ruper Ordorikaren edo, nire lagun batek esaten duen bezala, “gure euskal Leonard Cohen”-en, jarraitzaile amorratua naiz aspalditik. Garai batean plazaz plaza jarraitzen banuen ere, egun, Kafe Antzokiko gabonetako kontzertura joaten naiz soilik. Kanta Bizitza eder denean da, arrazoi ezberdinengatik hautatu dut. Batetik, rockeroa delako eta Ruper, agian, abeslari lasaitzat jotzen dugulako. Bestetik, abestiaren hitzek barruak astintzen dizkidalako, eta bizitza gogoz dastatzera bultzatzen nautelako. Nabarmendutako pasartea hurrengo hau da:

    Ederra ilunkeran lagun bakanarekin solastea,
    aski duzu adiskidea aldean dela sentitzea.
    Bizimodua lagunarekin dastatzea.

    Bizitza eder denean (Zuzenean)

    ErantzunEzabatu
  14. Regina2025(e)ko urriaren 16(a) (00:29)

    Itoizen kanta hau Algortako jaietan entzuten nuen baina garai horretan ez nuen tutik ulertzen, ez nekielako euskera; hala ere, soinua gustukoa nuen.
    Urte batzuk ondoren, euskera ulertzen hasi nintzenean, letrak eta kantuaren mezua izugarri gustatu zitzaizkit. Mutil hori txanogorritxu bihurtu zen, hegal egiten lortu zuen.

    “ LEIHOAN JARRITA, EURIARI BEGIRA ETA JENDEAK ZION:MUTIL HORREK, AMETS BAT BAKARRIK DAUKA, BAINA EGUN BATIN, ESNATZERATUAN, TXANTXANGORRI BAT… GELAKO SAPIAN. ORAIN HERRITIK MUTIL BAT FALTA DA, EZ DAGO INOR ETXOKO LEHIOAN…”

    [ https://www.google.com/search?q=hegal+egiten+kantua&oq=hegal+egiten+kantua&gs_lcrp=EgZjaHJvbWUyBggAEEUYOdIBCDcxMTNqMGoxqAIAsAIB&sourceid=chrome&ie=UTF-8#fpstate=ive&vld=cid:52d707ea,vid:ARQi11O4RQQ,st:0 ]

    ErantzunEzabatu
  15. Naiara2025(e)ko urriaren 17(a) (03:10)

    Ze gustoko dudan nik ere abesti hau. Ni txantxangorria banintz zure Fruizeko etxeko gelako zapaira urbilduko nintzateke kantantzera.

    ErantzunEzabatu

Argitaratu iruzkina

Blog honetako argitalpen ezagunak